តារាចម្រៀងក្នុងផលិតកម្ម ហង្សមាស STEP បានទទួលឱកាសពិសេសពីផលិតកម្មក្នុងឆ្នាំនេះ បន្ទាប់ពីចូលច្រៀងប្រមាណជា ៥ ឆ្នាំកន្លងមក។
STEP និយាយថាលោកចូលច្រៀងប្រមាណជា៥ឆ្នាំហើយក្នុងក្រុមហ៊ុន ហង្សមាស តែលោកពុំដែលមានឱកាសក្នុងការបញ្ចេញសមត្ថភាពតាមរយៈបទចម្រៀងចូលឆ្នាំប្រពៃណីខ្មែរនោះទេុ។ ទើបតែឆ្នាំនេះ ដែលលោកបានទទួលតំណែងពិសេសនេះ ជាក់ស្ដែងពេលនេះបទចម្រៀងលោកបានចេញ Teaser ហើយគឺបទ "សុំប៉ះ"។
"ខ្ញុំមានបទផ្ទាល់ខ្លួន៤បទ និង សហការជាមួយតារាចម្រៀងដទៃ១បទ និងនិពន្ធឲ្យរៀមច្បង ព្រាប សុវត្តិ ឱក សុគន្ធកញ្ញា ពេជ្រ សោភា ប្រមាណជា៥បទទៀត អញ្ចឹងសរុបទៅឆ្នាំនេះខ្ញុំបានធ្វើប្រហែល១០បទ" ម្ចាស់បទ "ធ្វើម៉េចខ្ញុំកើតមកមុខស្អាត" បន្ត។
សម្រាប់ឱកាសទីផ្សាររបស់តារាចម្រៀងវ័យ២២ឆ្នាំ វិញក៏មានភាពប្រសើរឡើងច្រើនដូចគ្នាក្នុងដើមឆ្នាំ២០១៧នេះ ដោយជាទូទៅលោកទទួលបានការងារក្នុងការប្រគំតន្ត្រីប្រមាណជាង១០ កម្មវិធីក្នុង១ខែ រួមទាំងការងារក្នុងផលិតកម្មគឺការធ្វើចម្រៀងឲ្យរៀមច្បងផងដែរ៕
0 comments:
Post a Comment